لييييييييييييييييه

لييييييييييييييييييه 

ياللي دمك هو دمي ........... حتي امك تبقي امي 

هي تترجاك في دنيا ..........شايله همك ويا همي 

تقتلني بايدك وانت عارف......انك اخويا وابن عمي 

لجل مين تقتل ولادنا ....... وانت شايل طيني وذنبي

ليه بتخرب بلادك وفي ........خيرها دايما بتقاسمني

انت عايز وانا عايز ........... وكل خلافنا في التمني 

تعالي نبنيها بلادنا ............انا اعينك وانت عيني

مصر بينا ايدنا واحده.........انا بابني وانت عللي

انا وانت هم واحد .......... والغلب طايلك اوطايلني

................. محمود قطامش ................

شارعين وحته

بلدي مش شارعين 

بلدي مش شارعين ف حته .............بلدي زكريات في كل حته 

بلدي تاريخ بعمر الحياه .............. مش تلفها ماشي ببسكلته 

بلدي حضاره لناس ساكنين .............يعلموا الدنيا لو زكوا زكه

بلدي بلاد النيل بتطلع ........................ ميت بلد لو قلت فكه 

بلدي بلسم دوا العيان ................. علاج موصوف في روشته 

بلدي النصر في اكتوبر ................بارليف ادك فيها الف دكه 

اللي مابيعرف بلادي ................غنوله ماما جايه الساعه سته 

مصر علمت الكلام ........................ لما كتير معاكم يستهجه 

قعد التاريخ ويا الزمن .....................قالوا مصر واكتبها انت 

...................... محمود قطامش ....................

ايييييييييييييه يا حكومه

اييييييييه ياحكومه 

ياحكومتنا ف بلادي ................. اسمعوا صوتي بنادي 

مش بشكوي بس عاتب ............ واسمحوا لي في عتابي 

ليه حالتنا كرب دايما .................. والفشل في كل وادي 

كهربا وصحه ف ورطه .............. اوعي حد يقولي عادي 

مرور وتعليم  ونضافه ............. حالها مابيرضي الاعادي

والفقير بالفقر ينعم ................... والغني دوم بالنوادي 

والعداله تمللي غايبه ................ والظلم بتطلعلوا ايادي 

الحكومه دي ملك شعبي...........وجيشها يحرسني ببابي 

والوزير منكم موظف ................ راتبه من قوتي و زادي 

كل خطه وراها خطه ................ بقينا ننفخ ف الزبادي

خدتوا منا كل حاجه ............. ارجوكوا خلوني ف بلادي

وانعموا بالخير اللي فيها ........... وخلوا بالكم من ولادي 

................... محمود قطامش .................

كلمه في ودنك

كلمه في ودنك 

بيني وبينك كلمه ف سرك ............... ممكن اقولك كلمه ف ودنك 

ليه مبشوفش النوم من حبك ........... وليه الدنيا سوده  في بعدك 

احلي اوقاتي بفكر فيك .................. واحلي كلمه بقولها اسمك 

واما بشوفك حالي يتلخبط .............. واجي اتكلم اقول عن اذنك 

كده مسلوب من نظره عينك ..............كأن الدنيا بشوفها ف قربك 

حتي سلامك ياخد روحي ......... ياخي بدالها خدني  في حضنك 

بص ياسيدي ان كنت نصيبي .............. لا تعزبني اكمني بحبك 

قول للناس ان انت حبيبي ............... وانا هكتبلك روحي باسمك 

................... محمود قطامش ......................

سيدتي

سيدتي 

من زمن اخر سيدتي ..........من غير زماني ملهمتي 

سيده قصور وعروش .......... لاعيب سكنتي مخيلتي

وجه بالنور يشاغلني .......... سحر  وجمال   فاتنتي 

حنان الكون بكفيها ........... تجرح وتداوي ساحرتي 

اختصرت حواء واخوتها........الجنه بدنياي اسيدتي 

بحياتي كانت عشرتنا ..........وسيده الحور بأخرتي 

................ محمود قطامش ...............

اهواك ... اهواك

اهواك 

ما سر الروعه في رؤياك ............انشغل عن الدنيا الاك 

كان الدنيا قد زالت غرقت...........يجرفني شوقي لسماك 

وقرين السحر يزاملني ............... والروح منارتها لقياك 

لا انبث تاهت كلماتي ...............قد عقد لساني بهواك 

وكاني في حضره ملك ................تامرني فاطيع نداك 

اتمتم واردد في وردي++............اهواك ياعمري اهواك 

اهواك ياعمري اهواك ..............اهواك ياعمري اهواك 

اهواك ياعمري اهواك ............. اهواك ياعمري اهواك 

اهواك ..اهواك ..اهواك............اهواك ..اهواك ..اهواك 

................... محمود قطامش ................

+++الورد .....كلمات وادعيه يتم تكرارها علي المسبحه عده مرات 

عايزين نعيش

عايزين نعيش 

عايزين نعيش واكسونا خيش .................. وادونا  كرامه نغمسها بعيش

الشعب طول عمره ضحيتكم ..... ......... عايز لقمته وكلوها انتم بالياميش 

زرعتم خلافاتكم مابين الناس ............... والشعب هيكمل معاكم أو مفيش

وزعيم يوماتي يهدد يهرتل .................... يحلم بصورته بشاشه أو أفيش 

و كله رافع علمك يامصر....................... بقت دندرمه خلطبيطا حنتريش 

قلناش كتير لقمه وهدمه ...................... ونربي العيال نموت بلاش نعيش 

خلاص بقه طلعونا م الشرنقه ............ يحكمنا مدني ولا مرشد أو شاويش

ٌ .................. محمود قطامش ...................

اويسكر الغرام

او يسكر الغرام 

ياقاضي الحب او يسكر الغرام ............. ام تلك نعمه لتسكن الالام 

فكيف لي والذبح مني واقع ...................لا دماء ان تحقق  المرام 

وما ذاك الشرود والهيام .......................ان حضر لا اع منهم كلام 

ومن اين تلك شجاعتي .......................لاجله حربي لا اعلن سلام 

احس اني بالحياه مخلد........................لثمه بالثغر فيه ماء للدوام 

بفعله ملك الملوك اخالني .....................ملكت العروش حكمت الانام 

مسكر و السكر حتي قليله ....................وفعله والله يشهد كالمدام 

ياقاضي الحب لاتعارض .................قولتي اظنه كذلك وفعله حرام 

................محمود قطامش................

صباح الخير

...... سينا ........

صباح النصر يا سينا

صباح  نور  ليالينا 

ولو نسيوكي كل الناس

احنا نموت ومنسينا

...................

صباح الشط  والميه

ولد يجري  يقول  امه

صباح الصحبه واللمه

صباح ايامك الحلوة

 ورمله أرضك الناعمه

وخيرك شيفه كل اعمي

....................

صباح الخير ياسينا

ولو نسيوكي كل الناس

احنا نموت ولا نسينا

.......................

صباح نخلك العالي

اغني تحته موالي

وعيشتي بعشه تحلالي

وحلم عمار ما ينساني

تعدي سنين واقول تاني

........................

صباح الخير يا سينا

وعصريه بصناره ع المينا

ولو نسيوكي كل الناس 

نموت احنا ولا نسينا

 ..... محمود قطامش ........

مرثيه الوداع

توفي اليوم ٢٥ /٩ /٢٠١٣ اخي وصديقي المرحوم بإذن الله

الاستاذ محمد محمود عوده الشريف 

وفي وداعه أقول بكل الألم :-------

مرثيه الوداع 

ابكوا معي في وداع شريف .................عفيف كريم  والقلب فيه نظيف 

محمد والمحمود كل فعاله ..........................شهم ان أردت له توصيف

وجه كما الإصباح حين تراه.....................صوت كأوراق الربيع حفيف

قليل الكلام عز بالدنيا مثاله ...............سليل المصطفي طاهر وحصيف

ان ضاقت بك الحال  عليك ............... بصحبته باش ودود القلب لطيف

ان رمت العلا المجد في رفقته ............عف اللسان في قوله الحق عنيف

لا تلوموني ان بكيته ماحييت................. قد عز بالدنيا من اليه وصيف 

ارثيك بل ابكيك نورا للدجي ................ ندي اليدين والفعل منه شريف

رباه أكرم منزله واجمعنا معه .................بدار حق بجنه الخلد مضيف 

يارب صبرنا وكل من يعرفه .................... الفقد غالي يألمه كل شريف

........................ محمود قطامش .....................

يا بتاع الملاغيه

يا جميل يا بتاع الملاغيه .................ياحته قشطه محليه

طعامتك حته بسبوسه ..................... معموله حلو منقيه

وصوابعك يانهاري عليها ................لمستها شوق وحنيه

يا ابوكف مربرب وملون ..................برسوم حلوه محنيه

والبسمه تنور دنيايا .................... بالليل كأنه الضهريه

والشامه بتقتل ع خدك................ببسمه خفيفه ومخفيه

وعنيكي وسهام رموشك..................خلتني اسلم بايديه 

والقصه ولا قصه شادية ...............قمرايه يابنت الجنيه

جسمك ولا عود الزان ..................ياخواتي متحن عليه

ترسانه أسلحه فتاكه ...............يخدوكي بيها الجهادية

ولا مجلس أمن ولا دياولو...........يصدوا رموشك ياصبيه

وقوليلي مين يقدر ع جمالك .......غير ابن قطامش ياعنيه

ولافارس شعر بيعرفلك.............. حتي التواب ابن عطيه

من بصه اجيبك باحضاني ..........وشويه صبر ومداديه

ياجميل يا بتاع الملاغيه ............. لابوار بعاتهالي هديه

................ محمود قطامش ...........

فارس الشعر ... هو الدكتور رؤوف فارس الشعر ومروض الكلمات

التواب ابن عطيه ...... هو الشاعر القدير الاستاذ عبد التواب عطيه

منتهي العشق

بالأمس جاء في غير موعده .......................قد جاء مشتاقا قلبه يده

قالت رسم الغرام اليوم موعدنا ..............اسمح بوصلي شوقي تبدده

قلت هو شوقي ما قد دعاك ...................باليوم والساعه كنت احدده 

هلم نطفئ نارا البعد اوقدها ...............لمس ولثم وهمس للقلب تسعده

قالت وهل يسعد القلب فيما ..............نسرقه  وخوف شامت ليحسده

قلت و ماذا عساي بفاعل .............. والفقر وبؤس الحال حلمي يبعده

ا تقبلين رفيقا الفقر ثالثنا.....................أعلنها  باشعاري حبا اردده

ان كان في موتي لقانا انتحر.............اصلح بموتي حبا الفقر ابعده 

قالت ساصبر نحيا نموت معا.............. ولن أكون لغيرك والله أشهده 

وأعلن الي الدنيا ميلاد ليلاك ......... وانت قيسي بشعرك حبي تخلده 

................. محمود قطامش ........................

صلاح

عرفت معني الفرح ومعاه الفلاح .......................... الفرح  بييجي  ويا النجاح 

النجاح مكافاه علي المجهود ............................ والفرح  ميجيش الا بالكفاح 

الحياه يابني زي الميزان ......................... كفه فيها التعب وكفه فيها الارتياح 

عايز تذيد الفرح زيد كفته التانيه ...................... زيد التعب ومضمون النجاح 

كل عام والحرق مصير اعصابنا  .......................... وانت ولا انت هنا سواح 

الفرح بدون تعب خالي من المتعه ............. واجمل الفرح اللي جاي  بعد كفاح 

 وألف مبروك النجاح ............. بابا 

سجل يا تاريخ

سجل يا تاريخ اكتب يازمان ................ ننوس عين مامته ف اللومان

بعد ماكان بيخر سياسه. ........................ ولايعصاش أمره انسان 

كان بيتكتك كل أمورنا ........................... وفي ايده خاتم سليمان

والوزراء في حكومه بابا ........................ تجري وراه ف كل مكان

وياويله اللي يكسر امره ........................ تقرا عليه سوره الرحمن

مبيعرفش الكوع م البوع .......................... وعلي ايده ذلنا ألوان 

كان يحكمنا ويا اصحابه ... .....................وانتخابات زور وبهتان

وياه لجنه تحط سياسه .... .....................كوسه وقرع ويا بدنجان

لكن لحظه قام المارد .............................. قامت ثوره وسط ميدان 

وانكسر القيد اللي مسلسلنا ............... خلاص شعبنا عرف العنوان

وسجل يا تاريخ اكتب ي زمان ...................... حبسنا ابن السلطان

...................... محمود قطامش .....................

مصر العفيه ١

بيقولوا شبتي وعليكي راحت ............. عمي في عنيهم ولا يوم شافت 

مين في جمالها ست الكل ......................اللي بنورها الارض أتزانت 

اه يابهيه يا احلي صبيه .............. ....... شوفوا بعنيه شابه ما شابت 

قمنا فيكي بثوره قويه  ........................... راحت  فين  شكلها تاهت 

كان الدم ده كله عشانك .......................... أوعوا تقولوا دمانا راحت 

كل ما نوصل بر أمان ..........................يخدها الريح عن برها زاحت 

ممكن مره تتوه مراكبها ..........................جامده بلدي عرشها  ثابت

سنه واتنين في عمر بلادي ...................... دول ولا فكه لو يوم قامت 

يا ما  طبول دقت  ع راسك ..................... انت الشبه ايديهم شاخت 

اعاديكي لو  مسوا أيديكي .....................انت الباقيه عروشهم زالت 

اه يا بلدي يا حضن أولادي ..................اموت بالحسره لو يوم  عانت

ولا بيهمك اهو شعبك جنبك.................... لو غربانهم  او بومهم ناحت 

انت صبيه وأحلي بهيه زي .......................اهرامك ولو يوم  باخت !!

يا المحروسه انا ربي حاميكي .................. عمري فداها لو يوم نادت

انت الماضي وكل الحاضر .................... وللمستقبل حاضره ماغابت 

................... محمود قطامش ................... 

  

انا المقتول

يا عالم  يا  كل  الناس  أنا  المقتول 

بدون حادث ولا ميت كمان  مسموم

ودمي لسه علي ايده مهوش مجهول

رماني بسهم من عينه وفاتني وراح

عشان اكتب علي قبري شهيد العيون 

................

ياعالم يأكل الناس عايزكوا شهود

أنا المقتول  و القاتل  اهو  موجود 

كانه  كان  يوم  قتلي  وبيه موعود 

يادووووووووب سلم م قلش  كلام 

ومن يومها و بتعذب بقيت مهموم 

................. محمود قطامش ...........

ااااااااااااااااه يا وطني

 

حبست الدمع حتي لايسيل ..................... يوم لا جدوي لدمع اوعويل 

آه تجر الاه عليك يا بلدي ................،؛؛؛؛والقلب مفطور علي بلاد النيل

في كل شئ حارت بك الدنيا.................؛بالعلم والسلم واليوم بالتقتيل 

هذا الذي اراك تسفكه دمي ..،.......،،،.،،،،وذاك الخراب بداري والتمثيل

تحمل أداه الموت منتحرا بها ..................ليست الي الله ولا اليه سبيل 

لن تري الجنه ولن تنعم بها ....،،..............الكل  فينا هابيل وانت قابيل 

إلا يكفي خراب الم تع ........................؛ ان الذي يجري بنا اليه بديل 

تبت يداك وكل من اقنعك .................... عيشك بموتي بالقتل والتنكيل

عد الي الحضن الذي اواك...............؛حضن الوطن والعيش فيه جميل 

عفوا بلادي علي بكائي ..،،،،،،،،،،...... .دمعي انا أم دم بوطني  يسيل

............................ محمود قطامش ..........................

الفتنه

الفتنه طلت كا لافعي ........................حبلي بالسم لتنفثه 

وجموع الشعب لا تدري........................،لأي طريق تسلكه

ووفود حلت ببلادي ....................... تبحث عن حل تدرسه

لا تبحث عن حل يجمعنا................... لنفوذ تسعي تغرسه 

وأطراف ألازمه في سبات.................. لا نيه لحل تمارسه 

والناس حياري في بلدي................... وخراب بات يؤنسه

وخراب بات يحاصرنا ...............ورسول الفوضي يؤسسه 

ما عادت هي أم الدنيا ..........،......... والعالم يبدي تاسفه 

مابين تراجع وتراجع ..............،،،.....لا امن لوطن يحرسه 

................ محمود قطامش ..................

سلميه

سلميه إيه يا أبو سلميه .................... ضللني وخبيلي عينيه 

حتي اعتصماتك سلميه ................مش خطب وتحريض عليه 

وكمان مسيراتك سلميه ....................بمناسبه قسم السبتيه 

حتي صلواتك سلميه ....................... لابتدعي ولاتشتم فيه 

واعلامنا ضلالي  ومهول ...................وعاملك م الحبه قضيه 

واعلامك مش بيكفرني .................... ولا فتوي قتل وجهاديه 

 في بلدنا مالناش غير بعض  ............... تعالي نسعدها بهيه

الحكم بأيدي انا وانت .. ................. ولا تعرف تحكم غير بيه

تعالي نعمر في بلدنا .......................... نبنيها بايدك وايديه 

نعيشها ونشرب من نيلها.....ً............... ونعللي رايه الوطنية 

انا وانت جناحين لبلدنا..................... تعالي نعيشها سلميه

لا عمه ولا بياده تحكمنا .............،......قلناها زمان دي مدنيه
عرافه تقرا في فنجاني.................. توصفلي وصفه سحريه 

...................... محمود قطامش ...................

يلا نلعب

                                 

شوفوا الدنيا لما بتقلب ......................لما قانون القوه بيغلب 

لما الدنيا تصبح غابه ................... وعلي قوانينها لازم نقلب

لما يخش الراجل التعلب..................حمل وديع لابس وبيلعب 

يخش علينا طاووسنا الراجل .........نافش ريشه ألوان تعجب

يدخل لينا شخص جبان .............. اكيد عرفته الرجل الأرنب

لكن فجاه وبصوت يرعب................الرجل الاسد جه للملعب 

ناسي كمان الرجل الفار...............يخطف يجري لكن يتعب

 وادي  الغابه  زي الدنيا.................فار اسد أرنب مع تعلب

والطاووس معجب بجماله................قال بحلاوته دايما يغلب

مسك اللقمه الرجل الفار...............جالو قوام الراجل الارنب

قاله انا وانت غلابه يافار..............هاتها اكلها ونطلع نهرب

خطفها بخفه الرجل التعلب.....وقام يتحامي في حضن المرعب

قالو شامم ريحه خيانه ................م الطاووس والفأر والارنب

ايه رايك في عشوه الليله.............لحم طاووس بجماله يعجب 

هبعتهولك تاكلوا لوحدك ................. انت  ملكنا  ولازم تغلب 

قال لطاووسنا انفش ريشك ............انت الريس وتعالي نقلب

روح للاسد وقولو قرارنا................ ولو ناقش اديلو الارنب

راح فيها المعجب بجماله..............اكله جميله ف بطن المرعب

وقام التعلب اكل الارنب .................قال للفأر اهرب تكسب 

لما التعلب ينزل يلعب ...................يحط شروطه جوا الملعب

يبقي الاسد ملك للغابه ..................وبتخطيط تفانين التعلب 

والله الدنيا دي زي الغابه................ وبقوانينها احنا بنلعب

متنافسش ع اول كرسي ...........كرسي الأسد الملك المرعب

واختارلك دور واحد تاني............فار طاووس ارنب او تعلب

 ............................ محمود قطامش .....................

أحلام مكبوته

جمعة جمعت عبون تلاقت ....على وعد الا يطول الفراق 

سبت يحقق ما كان قبلة............اكف تشير غدا اللقاء 

احد لقانا و طال السلام ..............يد بيد حتى المساء 

اثنين بدا الكلام و تاهت ........معانية فى صمت الحياء 

ثلاثاء قالت لا استطيع .........ادوب غراما فكان العناق 

اربع تربع فى القلب حبها ......وقعت اسيرا بذاك اللقاء 

خميس اقسمت الا اعود اليها.....طلقت ثلاثا هذا العناء 

اسبوع يمضى حياتى تمر..........كلام سلام موعد لقاء

...................... محمود قطامش .................

دستور

                          دستور يا إخوانا 

دستور يا إخوانا دستور .......،،،،.. ومعانا أعداد دستور 

راح انده اسمك بالدور ...............لو حاضر تاخد كستور

ولو غايب اسمك مشطوب ............ هنوزع وهنطفي النور

في الأول دوله مدنيه ................. م الآخر لاهلف وادور 

قرأنا فيها ده أساسي ............... اسمحلي بيها يا امور

عايزينها دوله مساواه ................ متفرق بين نتي ودكور

الكل هياخد ع قفاه ................... ما تحاول تعمل شطور

ورئيسنا واحد منينا ................. لا برادعي ولا ايمن نور

حريه مش فعل كلام ...................لو تعمل تاخد بساطور

واعلامنا مظبوط ع النوته ..........راح يهتف ويقول دستور

وعداله في الظلم تاخدها ...........مش عاجبك اقعد مشكور

والامن هيرجع وسطينا ........،..........هنبخر ونرش عطور 

والصحه وازي الصحه .................. هنشوفلك فيها دكتور 

وهنعمل دوله عصريه ................. راح تركب كارو وحنتور

لا تقولي نت ولا دياولو...................مقطوعة لا ميه ولانور

وقولولنا لو ناقص حاجه ..................هنشطب ونلم  الدور

وكده متوضب دستورنا ..................وكتبنا مواده بسطور

واوعاك تتكلم او تنقد ............... ما تخللي الطابق مستور

...................... محمود قطامش ......................

نفض غبار وهيعدي

                         

يا مصر قومي واتحدي ................. وردي ع اللي قال هدي

يا ما شفتي كتير من دول .................. ولو هغلط هقول عدي 

نقول هكسوس ولا تتار ................... وغيرهم يا ما بتتصدي

فأكره فرنسا ونابليونها ................... عظيمه وكنتي بتسدي

وعدوانهم تلاتتهم وقف شعبك ............. لا حد يفوت ولا يعدي

وفاكره البعدا ولادصهيون ..........في ست ساعات لما بتشدي 

وحالك يوم تحاربي ظلام ............... هدعي عليه واقول ولدي

وانا ولدي بدماغ مغسول......................هدعيلوا وانا بوردي

يامصر قومي ولا يهمك .................. ده نفض غبار وهيعدي

يامصر ياست الزمان ...................... قومي وردي واتحدي 

................. محمود قطامش ..................

خليك جرئ

                        

بتقول جرئ  والصدق ..............عندك ليه طريق 

واللي علي لسانك ......،......تقوله لو كان حريق 

وانك طبيعي وبتتصرف ........طبيعي وكمان برئ

هي البراءه لخبطك كياني .....وتسيبني في ضيق 

فين جرائتك او صراحتك

..................تقولي بيها اني مش اكتر من صديق 

                      &&&&&&&&

شاهد عليك ........... .... نظره عنيك 

يومها لمحتني ............ بشاور عليك 

وندرت فيها العمر...... كله وهبته ليك 

والقلب بيغني ... ....... بأسمك ويناديك 

شاهد عليك ............... رعشه ايديك 

لما فيها لمست ايدي ........ ودوبت فيك 

والكلام تاه منك ...... واللخبطه بانت عليك 

................. محمود قطامش ............

هل نستطيع ؟؟؟؟؟؟؟؟

                                 

نعم نستطيع لو كنا معا .........................أقولها  وقد نذف الفؤاد دما

نقول للدنيا هنا بناه الوطن......................نرفض جهالتنا نمسك بالعلم

نردد النشيد نتلوه قسم .................. بلادي بلادي دمت لي خير الامم 

بالجمع تأبي العصي تكسرا........... والكسر فينا ان استصغرنا اللمم

نعم نستطيع لو كنا معا ...................... نحجز مكانا بالعلا فوق الامم 

هي الإرادة دوما ما يعطلنا .................. وبها جدودك ازهلونا بالهرم 

خلوا الوسائد ان رمتم علا.............. والمجد صاحبكم لن تخطئ القدم

وابعدوا الشتم واللعن عنا ................ المسلم من لسانه الآخر قد سلم 

( اعتصموا ) دعوه الدين فينا ................ انسمعها أم اصبنا بالصمم 

( وأعدوا) دعوه الخالق لنا ......................ننشر العدل ونردع من ظلم 

دعوه الله للتوحيد قامت ..................... نضيعها ونعود نعبد في صنم

هي شهوه الكرسي ما يؤخرنا ...........لا يغرك من ساس فينا او حكم 

نعم نستطيع لو قمنا معا ............... نبني بعزم  وطن ولا نفاخر بالقدم

.......................... محمود قطامش ........................

جزائريه

•                                  ون تو ثري 

                                  فيفا الجيري

  قالتها وكأن جان يحركها،...................في ملعب لمباراه كنت اشهدها 

  تدب بالاقدام ارض تزلزلها.....................تبعث بكلمات جمهور يرددها 

  تصرخ مهلله ان شاط لاعبها..............تلهب حماس الجمع  الكل يتبعها 

  بنطال ملبسها يوصف ولا يستر .......... انسي فريقي معه بت اشجعها
  دقيقه البنيان العين لا تخطئ ................. شعر وأسوار يلف معصمها

  لكن شيطاني اغواني الاعبها ..........صرخت قلت فاول الرف يقصدها 

  الرف يرغب في  هزيمتنا .....................هيا ننادي وقد يسمع يغيرها 

  فرحت أصوب أهدافي لمرماها............. والصد منها لا تخطئ برميتها

  قلت ياست الملاح هلم نشجعهم ..........القت سلاما بهاي لمست أصبعها 

  كأني ويدي قد مسها بركان .................حمم بأبداني ما كنت أخبرها 

  ولولا ملاك  كان يحضرني ................... وحكمه للشيب ماكنت اقهرها

  قلت ياقاتله قولي من انت ....................وكدت اقع بأمور كنت أحزرها

  قالت بلادي الجزائر ا تعرفه  ..............مليون من الشهداء الكل يقدرها 

  ظلت  تنادي لازلت اسمعها.. ......... .تركت فريقي وراياتي مرددا معها

                                   ون تو ثري 

                                  فيفا الجيري

  
  

بتلوميني

                                           

علي اللي كان باديكي ............. .............. أبوكي قال منفعشي أكون ليكي

عشان فلسان كمان طفران ...........................و اموت واحيا في طله لعنيكي

معنديش شقه ولا حته تتاويني ...................فارشلك قلبي وبرمشي هغطيكي

وعايز عفش وكنبه ودش ......................... تنامي ف عيني واغنيلك واسليكي 

وتلاجه وتكييف عشان الصيف ..... ...........قلبي هوا بالصيف وبالشتا يدفيكي

وعايز شبكه وقايمه ومهر ................................ ومهرك عمري  ده يكفيكي 

معاه الحق  ميعرفنيش ............................... ولو يعرف لسلمني قوام ليكي 

وجابلي الشقه ويا العفش ..........................و بلاش المهر ولا شبكه تحليكي

لو في الهند لدوني عليكي فلوس.................. وخطبوني علي شان ماخليكي

لا تلوميني ولا تلومي فقري كمان  .............. ......حظي مخلاني أكون ليكي 

ولو هتلفي كل الكون هكون ممنون ...............راجعالي و مفيش غيري يهنيكي  

.         ........................ محمود قطامش ...............................

اه لو تعرف

لخاصمت الدنا والناس .................. وتطلب في الهوي حبي 

وأبعدت القريب والقاص ................... وتسأل  بالجوار ودي

ولو هادوك الذهب والماس....،........... وتعشق الرخيص حدي 

ولن ترضي بشرب الكاس............. شهد الرضاب هنا عندي

انا بالحب شديد ألباس .................. واحفظ للحبيب وعدي 

 آه لو تعرف 

لكنت كما أرجوك يا ملكا .................وفيا رغما للنوي والبعد 

وصاحبت بالحب أوقاتي .............وزاملت بالقرب كل السعد

ونمت قرير العين هانئها .................ولا تعرف طريق السهد

ولن تعرف عذاب الآه ....................ففي قربي جنان الخلد

هذا طريقي يا رديف الروح ........... ودرب الحب حفظ الوعد 

آه لو تعرف  .....  

شكرا انت لا  تعرف 

............... محمود قطامش .................