انا عضو في حزب المحرومين
حزب الغلابه الطيبين
حزب اللي لا يهشوا ولا ينشوا المكسورين
حزب ابويا وعمي وجراني المطحونين
حزب معاكم معاكم ع الشمال أوع اليمين
حزبنا مش حزب إخوان لكن مسلمين
ومش وطني لكن بحب الأرض دي معجونين
ولا سلفي مع أنهم اصحاب امانه موحدين
حزب لا يحلم بكرسي يحلم بهدمه ورغفين
هدمه يستر بيها نفسه من عينين البصاصين
ولقمه يسد بيها جوعه مع ولاده التعبانين
حزبنا في برامجكم صفحه مليانه انين
شعاراتكم عننا واحنا محناش موجودين
حزبنا شعاره الكنبه بيها دايما ملزوقين
بستني الخلاص مش بايده بايدين المخلصين
يستني لفارس لقائد تحت رايته موحدين
يستني السعاده اصله كمان من الموعودين
حزب شعاره لقمته وبرنامجه ولاد متعلمين
احنا حزب الاغلبيه احنا حزب المهمشين
.................. محمود قطامش ...............
ليست هناك تعليقات:
إرسال تعليق
تعليقك هنـــــــا